Usengowase Nigeria obesethubeni likaMiss South Africa.

UChidimma Adetshina usengomunye wabazomela amazwe abo kowomhlaba ozobe use Mexico mhla ziyi 16 kuLwezi kulonyaka.

U-Adetshina odle umhlanganiso kaMiss Universe Nigeria 2024 njengoMiss Tabara, kulindeleke ukuthi alibangise eMexico ukuyomela izwe laseNigeria kokaMiss Universe. Le ntokazi ibe ngundaba mlonyeni kwabakuleli ngemuva kwezinsolo zokungabi ngowaseNingizimu Africa ngokuphelele ngesikhathi ingenele okaMiss South Africa nokwaphoqa ukuthi igcine ngokuhoxa nalapho ibe seyibizwa izwe laseNigeria.

Yize abakuleli bekhombise ukuyiseka lentokazi ngesikhathi ithatha isinqumo sokuyomela iNigeria, akuthathanga isikhathi ukuthi abakuleli bashintshe imiqondo bavotele uMiss Kwara, ogcine engangenanga kwabahlanu bokuqala.