Akasekho emhlabeni uTito Mboweni

Akasekho emhlabeni lowo owayengungqongqoshe wezeziMali nophinde abenguMbusi weBhangengodla u-Tito Mboweni. Umndeni wakhe ukhiphe isitatimende ebusuku ngoMgqibelo umemezela ukudlula kwakhe. UMboweni wayeneminyaka engu-65 ubudala. “Kubuhlungu ukuthi umndeni wakwaMboweni umemezela ukudlula emhlabeni kowayenguMphathi weBhange loMbuso uTitus Mboweni. Umndeni ukhungathekile ngokushona kukaMboweni ngemuva kokugula isikhashana. Udlule emhlabeni esibhedlela eGoli ngoMgqibelo ebusuku ekakwe. ngabathandekayo bakhe,” kufundeka isitatimende. UMboweni waba ngumbusi wokuqala omnyama weSARB, elandela uChris Stals ngo-1999 ukubusa iminyaka eyishumi. Ngaphambi kwalokho, usebenze kuKhabhinethi kaNelson Mandela njengongqongqoshe wezabaSebenzi phakathi kuka-1994 no-1999.